7 տարի անց Մալենի առաջին հեթ-տրիկը հաղթանակ պարգևեց Ռոմային

Իտալիայի առաջնության 32-րդ տուրի առաջին խաղում «Ռոման» «Օլիմպիկո» ստադիոնում 3:0 հաշվով հաղթեց «Պիզային»: Հեթ-տրիկի հեղինակ դարձավ հարձակվող Դոնիել Մալենը: Նիդերլանդցին աչքի ընկավ 3-րդ, 43-րդ և 52-րդ րոպեներին: Հատկապես գեղեցիկ ստացվեց հարձակվողի առաջին գոլը, որը գրանցվեց տպավորիչ անհատական անցումից հետո:

Նախորդ անգամ Մալենը հեթ-տրիկ էր գրանցել 2019 թվականին, երբ հանդես էր գալիս ՊՍՎ-ում:

Ջան Պիերո Գասպերինիի գլխավորած թիմը վաստակեց 57 միավոր և հավասարվեց հինգերորդ տեղում ընթացող «Յուվենտուսին»: Այժմ հռոմեացիները ընդամենը 1 միավորով են հետ մնում Չեմպիոնների լիգայի ուղեգիր տվող չորրորդ տեղից, որը զբաղեցնում է «Կոմոն»:

«Պիզան» 18 միավորով եզրափակում է մրցաշարային աղյուսակը: