Նոան խոշոր հաշվով հաղթեց և մոտեցավ առաջատար եռյակին

Fastex Պրեմիեր լիգայի 21-րդ տուրում «Նոան» հյուրընկալվեց «Գանձասարին» և հաղթանակի հասավ 3:0 հաշվով:

43-րդ րոպեին Վալենտին Կոստակեի փոխանցումից հետո հաշիվը բացեց Մատեուս Այասը: Բրազիլացին 28-րդ գոլը խփեց հայկական ակումբի կազմում և դարձավ «Նոայի» պատմության գլխավոր ռմբարկուն:

61-րդ րոպեին անկյունայինի խաղարկման ժամանակ գլխի հարվածով երկրորդ գոլը խփեց Սերգեյ Մուրադյանը, իսկ 75-րդ րոպեին աչքի ընկավ Նարդին Մուլահուսեյնովիչը:

Սանդրո Պերկովիչի գլխավորած թիմը վաստակեց 38 միավոր, մնաց չորրորդ տեղում, բայց արդեն ընդամենը 4 միավորով է հետ առաջատար «Ուրարտուից»:

«Գանձասարը» 17 միավորով յոթերորդ տեղում է: