ՉԼ․ 10 հոգով մնացած Բարսելոնան պարտվեց Ատլետիկոյին (տեսանյութ)

Չեմպիոնների լիգայի քառորդ եզրափակիչի «Բարսելոնա»-«Ատլետիկո Մադրիդ» հանդիպումն ավարտվեց Դիեգո Սիմեոնեի գլխավորած թիմի հաղթանակով՝ 2։0 հաշվով։

44-րդ րոպեին տանտերերի պաշտպան Պաու Կուբարսին վերջին հույսի խախտում կատարեց Խուլիան Ալվարեսի նկատմամբ։ Հանդիպման գլխավոր մրցավար Իշտվան Կովաչը գրպանից հանեց դեղին քարտը, սակայն VAR-ով կրկնապատկերը դիտելուց հետո վերանայեց որոշումն ու հեռացրեց «կատալոնական» ակումբի պաշտպանին։ Խախտման համար նշանակված տուգանային հարվածից շքեղ գոլի հեղինակ դառնալով Խուլիան Ալվարեսը բացեց հանդիպման հաշիվը։ 70-րդ րոպեին մադրիդյան թիմի առավելությունը կրկնապատկեց Ալեքսանդր Սյորլոթը։

Թիմերի միջև պատասխան հանդիպումը կկայանա ապրիլի 14-ին։

Զուգահեռ ընթացող խաղում ՊՍԺ-ն առավելության հասավ «Լիվերպուլի» նկատմամբ։



Հիշեցնենք, որ քառորդ եզրափակիչի մյուս խաղերում «Բավարիան» Մադրիդում հաղթել էր «Ռեալին», իսկ «Արսենալը» Լիսաբոնում առավելության էր հասել «Սպորտինգի» նկատմամբ։