Յուվենտուսը հաղթեց Ջենոային՝ կրճատելով միավորների տարբերությունը Կոմոյի հետ

Իտալիայի առաջնության 31-րդ տուրում «Յուվենտուսն» ընդունել էր «Ջենոային» ու հաղթեց 2։0 հաշվով։

Հանդիպման հաշիվը 4-րդ րոպեին բացեց Բրեմերը։ 17-րդ րոպեին Ուեսթոն ՄաքԿենիին կրկնապատկեց թուրինյան ակումբի առավելությունը։ 75-րդ րոպեին հյուրերը ստացան հաշիվը կրճատելու հնարավորություն,  սակայն Աարոն Մարտինի 11-մետրանոցից կատարած հարվածը հետ մղեց Միկելե Դի Գրիգորիոն։

Այս հաղթանակից հետո «Ծեր սինյորան» վաստակեց 57 միավոր ու 5-րդ տեղում է։ Լուչիանո Սպալետիի գլխավորած թիմը նվազագույնի հասցրեց միավորների տարբերությունը 4-րդ տեղում գտնվող «Կոմոյի» հետ։ «Ջենոան» 33 միավորով 14-րդն է։