Հայտնի են ԱՊԼ-ի՝ մարտ ամսվա լավագույն մարզչի մրցանակի հավակնորդները

Անգլիական Պրեմիեր լիգայի պաշտոնական կայքը հրապարակել է մարտ ամսվա լավագույն մարզչի մրցանակի թեկնածուների անունները։ Հավակնորդների ցուցակում են հինգ մարզիչներ։

Ցուցակում են Ֆաբիան Հյուրցելերը («Բրայթոն ընդ Հոուվ Ալբիոն»), Միկել Արտետան («Արսենալ»), Ռեժիս Լե Բրին («Սանդերլենդ»), Էդի Հոուն («Նյուքասլ Յունայթեդ») և Դեյվիդ Մոյեսը («Էվերթոն»)։

«Արսենալն» այժմ գլխավորում է Անգլիական Պրեմիեր լիգայի մրցաշարային աղյուսակը 70 միավորով։ «Մանչեսթեր Սիթին» երկրորդն է՝ 61 միավորով, չնայած մրցակիցներից մեկ խաղ պակաս է անցկացրել։ «Մանչեսթեր Յունայթեդը» երրորդն է՝ 55 միավորով։