Եվրո-2026-ի ընտրական փուլ. Հայաստանի հավաքականն առաջինն է խմբում

Ֆուտզալի Եվրոպայի 2026թ. առաջնության որակավորման հիմնական փուլի երրորդ տուրից հետո Հայաստանի ազգային հավաքականը 6-րդ խմբի առաջատարն է:

Ֆուտզալի Եվրոպայի 2026թ. առաջնության որակավորման հիմնական փուլի երրորդ տուրից հետո Հայաստանի ազգային հավաքականը 6-րդ խմբի առաջատարն է:

Այս տուրում Ղազախստանի հավաքականը արտագնա խաղում 2-3 հաշվով անակնկալ պարտություն կրեց Դանիայի թիմից ու 4 միավորով երկրորդն է:

Հայաստանի հավաքականն այսօր Ավանի ակադեմիայում կայացած խաղում 4 անպատասխան գնդակ էր ուղարկել Ալբանիայի թիմի դարպասը:

Դուբլի հեղինակ էր դարձել Դենիս Նևեդրովը, մեկական անգամ էլ աչքի էին ընկել Արսեն Պետրոսովը և Վլադիմիր Սանոսյանը:

Հայաստանի հավաքականը 7 միավորով առաջատար է: Ալբանիայի ու Դանիայի թիմերն ունեն երեքական միավոր:

Խմբերում առաջին տեղը գրաված հավաքականները կնվաճեն Եվրո-2026-ի եզրափակիչ փուլի ուղեգիր, իսկ  երկրորդ տեղը զբաղեցրած լավագույն 8 հավաքականները անցումային խաղեր կանցկացնեն:

Հայաստանի հավաքականը փետրվարի 5-ին Տիրանայում կմրցի Ալբանիայի թիմի հետ