Բարսելոնան հաղթեց Սևիլյային․ Ռաֆինյան հեթ-տրիկ ձևակերպեց (տեսանյութ)

Իսպանիայի Լա Լիգայի 28-րդ տուրում «Բարսելոնան» ընդունել էր «Սևիլյային» ու հաղթեց 5։2 հաշվով։

9-րդ ու 21-րդ րոպեներին Ռաֆինյան դիպուկ իրացրեց 11-մետրանոցները։ 38-րդ րոպեին Դանի Օլմոն խփեց «Բարսելոնայի» 3-րդ գոլը։ 1-ին կեսին ավելացրած 3-րդ րոպեին Օսոն կրճատեց հաշվի տարբերությունը։

51-րդ րոպեին Ռաֆինյան հեթ-տրիկ ձևակերպեց, իսկ 10 րոպե անց Ժոաու Կանսելոն խփեց կատալոնական ակումբի 5-րդ գոլը։ Հիմնական ժամանակին ավելացրած 2-րդ րոպեին Ջիբրիլ Սոուն ձևակերպեց վերջնական հաշիվը։

Այս հաղթանակից հետո Հանսի Ֆլիկի գլխավորած թիմը 70 միավորով գլխավորում է մրցաշարային աղյուսակը։ «Սևիլյան» 31 միավորով 15-րդն է։