Աղյուսակն ինձ չի հուզում․ 12 հանդիպումը մի ամբողջ հավերժություն է․ Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան հայտարարել է, որ թիմը չի կենտրոնանում Անգլիայի Պրեմիեր լիգայի մրցաշարային աղյուսակի վրա, որտեղ «քաղաքաբնակները» հինգ միավորով հետ են մնում մեկ խաղ ավել անցկացրած «Արսենալից»։

«Չգիտեմ, թե ինչ կլինի առաջիկա 12 տուրերի ընթացքում։ Ես ոչ մի վայրկյան այդ մասին չեմ խոսել ֆուտբոլիստների հետ։ Երեկ և դրանից առաջ խոսել ենք միայն «Նյուքասլի» մասին։

Ես չեմ խոսել մրցաշարային աղյուսակի, մեր զբաղեցրած տեղի մասին։ Դա ինձ ընդհանրապես չի հետաքրքրում։ Տվեք այդ հարցը մրցաշրջանի ավարտից երկու-երեք տուր առաջ, և ես կպատասխանեմ։

12 խաղը մի ամբողջ հավերժություն է։ Այդ ընթացքում շատ բան կարող է փոխվել․ սա միակ ճշմարտությունն է, որ գիտեմ։

Մեր ֆուտբոլիստների 70 տոկոսը նորեկներ են, նրանք նման իրավիճակներում փորձ չունեն»,-նշել է իսպանացի մասնագետը։

«Մանչեսթեր Սիթի»-«Նյուքասլ» հանդիպումը կմեկնարկի այսօր ուղիղ կեսգիշերին։