10 հոգով մնացած Ցրվենա Զվեզդան հաղթեց ՖԱՍԲ-ին․ Տիկնիզյանը մասնակցեց ամբողջ հանդիպմանը

Եվրոպա լիգայի հիմնական փուլի 5-րդ տուրում «Ցրվենա Զվեզդան» ընդունել էր ՖԱՍԲ-ին ու հաղթեց նվազագույն հաշվով։

Հանդիպման միակ գոլը հեղինակեց Բրունո Դուարտեն՝ 50-րդ րոպեին։ 

Հատկանշական է, որ Սերբիայի գործող չեմպիոնը 27-րդ րոպեից խաղում էր 10 հոգով։ Ուղիղ կարմիր քարտով խաղադաշտից հեռացվեց Ֆրանկլին Տեբոն։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու մասնակցեց ամբողջ հանդիպմանը։

Այս հաղթանակից հետո սերբական ակումբը 7 միավորով 22-րդ տեղում է ու հաջորդ տուրերում կմրցի «Շտուրմի», «Մալմյոյի» ու «Սելթայի» հետ։