Հայաստանի ազգային հավաքականը պարտությամբ մեկնարկեց Եվրոբասկետ-2029-ի նախընտրական փուլում

Եվրոբասկետ-2029-ի նախընտրական փուլի առաջին տուրում Հայաստանի ազգային հավաքականը հյուրընկալվել էր Բուլղարիայի ընտրանուն ու զիջեց 88։98 հաշվով։

Հանդիպման ամենաարդյունավետ խաղացողը Անդրե Սպայթ-Մկրտչյանն էր։ Նա վաստակեց 37 միավոր, գրանցեց 3 ռեբաունդ և կատարեց 1 ասիստ:

Հայաստանի հավաքականն առավելության հասավ միայն 4-րդ քառորդում՝ 21։20 հաշվով։ Երեք քառորդներում հայ բասկետբոլիստները զիջեցին մրցակցին (21։25, 20։26, 26։27), բայց կարողացան արժանի պայքար մատուցել։

2-րդ տուրում՝ նոյեմբերի 30-ին, Հայաստանի հավաքականը կընդունի Նորվեգիայի ընտրանուն։