Փյունիկը փրկվեց պարտությունից 10 հոգով մնացած Ուրարտուի դեմ խաղում

Fastex Պրեմիեր լիգայի 14-րդ տուրում «Ուրարտուն» ընդունել էր «Փյունիկին»։ Գրանցվեց 1։1 հաշիվը։

1-ին կեսին ավելացրած 4-րդ րոպեին աչքի ընկավ Բրունո Միշելը՝ խփելով ընթացիկ առաջնությունում իր 12-րդ գոլը։ 67-րդ րոպեին «Ուրարտուի» հարձակվող Նիկոլաս Կալուկյանը հեռացվեց խաղադաշտից, իսկ հիմնական ժամանակին ավելացրած 4-րդ րոպեին Սերգեյ Վակուլենկոն վերականգնեց հաշվի հավասարությունը։

Այս հանդիպումից հետո «Ուրարտուն» 26 միավորով 3-րդ տեղում է։ «Փյունիկը» 23 միավորով 4-րդ տեղում է։

Հիշեցնենք, որ տուրի մեկնարկային խաղում «Արարատ-Արմենիան» 2։1 հաշվով առավելության էր հասել «Արարատի» նկատմամբ։ Վաղը՝ նոյեմբերի 22-ին, «Շիրակը» կընդունի «Գանձասարին», «Նոան»՝ «Ալաշկերտին»։ Տուրը կեզրափակվի նոյեմբերի 23-ին կայանալիք «Վան»-ԲԿՄԱ խաղով։