Առաջին խումբ․ Սարդարապատը տուրի կենտրոնական խաղում հաղթեց Սյունիքին

Հայաստանի Առաջին խմբի առաջնության 14-րդ տուրի կենտրոնական խաղում «Սարդարապատը» հյուրընկալվել էր «Սյունիքին» ու հաղթեց 3։1 հաշվով։

13-րդ րոպեին Համլետ Մինասյանը բացեց հանդիպման հաշիվը։ 2-րդ կեսի մեկնարկից 8 րոպե անց Լևոն Վարդանյանը կրկնապատկեց «Սարդարապատի» առավելությունը։ Տանտերերը կարողացան կրճատել հաշվի տարբերությունը։ Աչքի ընկավ Արման Հովհաննիսյանը 69-րդ րոպեին, իսկ խաղի վերջակետը դրեց Համլետ Մինասյանը՝ հիմնական ժամանակին ավելացրած 3-րդ րոպեին ձևակերպելով դուբլ։

Այս հաղթանակի շնորհիվ Արմավիրը ներկայացնող ակումբը վաստակեց 39 միավոր ու շարունակում է միանձնյա գլխավորել մրցաշարային աղյուսակը։ «Սյունիքը» 25 միավորով 4-րդ տեղում է։