Սլովանն առաջին պարտությունը կրեց Սլովակիայի ընթացիկ առաջնությունում․ Բարսեղյանը մասնակցեց հանդիպմանը

Սլովակիայի առաջնության 12-րդ տուրում «Սլովանը» ընդունել էր «Պրեշովին» ու զիջեց նվազագույն հաշվով։

Հանդիպման միակ գոլը հեղինակեց Ռոման Բեգալան՝ խաղավարտից 4 րոպե առաջ։

1-ին կեսին ավելացրած 1-ին րոպեին «Սլովանի» ֆուտբոլիստ Պետր Պոկորնին, վերջին հույս խախտման համար, ուղիղ կարմիր քարտով հեռացվեց խաղադաշտից։

Հայաստանի ազգային հավաքականի ֆուտբոլիստ Տիգրան Բարսեղյանը «Սլովանի» կազմում փոխարինման մտավ 64-րդ րոպեին։

Այսպիսով, Բրատիսլավան ներկայացնող ակումբը կրեց 1-ին պարտությունը Սլովակիայի ընթացիկ մրցաշրջանում ու այժմ 21 միավորով եզրափակում է լավագույն եռյակը, թեպետ 2 խաղ պակաս է անցկացրել առաջատարներ «Ժիլինայից» ու «Դունայսկա Ստրեդայից», որոնք համապատասխանաբար ունեն 25 և 22 միավոր։

Հաջորդ տուրում «Սլովանի» մրցակիցը «Կոմարնոն» է։