Արարատ-Արմենիան գոլառատ խաղում հաղթեց Ուրարտուին

Fastex Պրեմիեր լիգայի 6-րդ տուրում «Արարատ-Արմենիան» հյուրընկալվել էր «Ուրարտուին» ու հաղթեց 3։2 հաշվով։

Հանդիպման հաշիվը 19-րդ րոպեին բացեց Բալանտան։ 68-րդ րոպեին Ժիրայր Շաղոյանը կրկնապատկեց «Արարատ-Արմենիայի» առավելությունը։ Շաղոյանի գոլից շուրջ 5 րոպե անց «Ուրարտուն» ստացավ 11-մետրանոցի իրավունք, որը դիպուկ իրացրեց Բրունո Միշելը։ Միշելի գոլից րոպեներ անց հյուրերի կազմակերպած գրոհի արդյունքում Ժիրայր Մարգարյանը գրավեց սեփական դարպասը։ Խաղավարտից 4 րոպե առաջ Բրունո Միշելը 2-րդ անգամ դիպուկ իրացրեց 11-մետրանոցը՝ ձևակերպելով հանդիպման վերջնական հաշիվը։ Ավելի անել Ռոբերտ Արզումանյանի գլխավորած թիմին չհաջողվեց։

Այս հաղթանակից հետո 4 հանդիպում անցկացրած «Արարատ-Արմենիան» 10 միավորով 2-րդ հորիզոնականում է։ «Ուրարտուն» անցկացրել է 6 հանդիպում և ունի նույնքան միավոր ու 3-րդ տեղում է։