Սպերցյանը վաղուց է հասունացել եվրոպական լավ ակումբ տեղափոխվելու համար. Սերգեյ Յուրան

Ռուս մարզիչ Սերգեյ Յուրանը հայտնել է, որ Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը պատրաստ է տեղափոխվել եվրոպական բարձր մակարդակի ակումբ։

«Սպերցյանը վաղուց է հասունացել եվրոպական լավ ակումբ տեղափոխվելու համար: Սա, հավանաբար, տեղի կունենա այս ամառ: Իմ կարծիքով, նրան ամենաշատը կհամապատասխանեին Իսպանիայի կամ Գերմանիայի առաջնությունները: Իտալիա՞ն. ես այդպես չեմ կարծում:

Ամենակարևորն այն է, որ նա հասնի այնպիսի մարզչի, ով ցանկանում է նրան տեսնել թիմում: Չարժե պարզապես գնալ Եվրոպա»,- ասել է Յուրանը RB Sport-ին տված հարցազրույցում:

Սպերցյանը «Կրասնոդարի» ակադեմիայի սան է։ Այս մրցաշրջանում կիսապաշտպանը բոլոր մրցաշարերում անցկացրել է 25 հանդիպում՝ դառնալով 6 գոլի և երեք գոլային փոխանցման հեղինակ։