Սերոբյանը ճանաչվել է Միլսամի-Շերիֆ հանդիպման լավագույն ֆուտբոլիստ

Մոլդովայի առաջնության 3-րդ տուրում «Շերիֆը» հյուրընկալվել էր «Միլսամիին» ու հաղթեց 2:1 հաշվով։

Հայաստանի ազգային հավաքականի ֆուտբոլիստ Արթուր Սերոբյանը խաղադաշտ դուրս եկավ երկրորդ կեսի մեկնարկին ու 52-րդ րոպեին խփեց իր թիմի հաղթական գոլը` SofaScore-ի կողմից արժանանալով 8.1 գնահատականի և ճանաչվելով հանդիպման լավագույն ֆուտբոլիստ։

Խաղից հետո Սերոբյանը կիսվել է իր տպավորություններով. «Շատ ուրախ եմ, որ վերադարձա խաղադաշտ ու օգնեցի թիմին հաղթանակի հասնել ու վաստակել 3 միավոր։ Ամենակարևորը հաղթելն է։ Երջանիկ եմ, որ գոլի հեղինակ դարձա»։

Հիշեցնենք, որ 22-ամյա կիսապաշտպանը վնասվածք էր ստացել 1-ին տուրում կայացած հանդիպման ընթացքում, որում դարձել էր գոլային փոխանցման հեղինակ։