Սյունիքը նոր համալրում ունի

Հայաստանի Առաջին խմբում հանդես եկող «Սյունիքը» նոր համալրում ունի։

«Ուրախ ենք տեղեկացնել, որ «Սյունիք» ՖԱ-ն պայմանագիր է ստորագրել մակեդոնացի կիսապաշտպան Ռամին Ալիի հետ։

23-ամյա ֆուտբոլիստը «Շկենդիայի» սան է, հանդես է եկել նաև տեղի «Շկուպիում» եւ ալբանական «Սկենդերբեուում»։ Ալիի վերջին թիմը Բելառուսի Պրեմիեր լիգան ներկայացնող «Իսլոչն» է։

Մեր նորեկը Ալբանիայի առաջին խմբի եւ Մակեդոնիայի Պրեմիեր լիգայի չեմպիոն է։

Ռամինը հանդես է եկել Մակեդոնիայի Մ18 եւ Մ21 հավաքականներում»,-ասված է ակումբի հայտարարությունում։ 

Հայաստանի Առաջին խմբի առաջնության 13-րդ տուրից հետո «Սյունիքը» 34 միավորով 2-րդն է։