Արթուր Քարտաշյանը նոր ակումբ ունի

«Վեստ Արմենիայի» նախկին պաշտպան Արթուր Քարտաշյանը տեղափոխվել է «Արարատ»։

Այս մասին տեղեկացնում է երևանյան ակումբի մամուլի ծառայությունը։ 

28-ամյա ֆուտբոլիստն իր կարիերայի ընթացքում խաղացել է «Փյունիկում», «Սևանում», «Նոայում», կիպրոսյան «Օլիմպիակոսում», «Վանում», տաջիկական «Իստիկլոլում», վրացական «Թելավիում», «Ալաշկերտում» և «Վեստ Արմենիայում»:

Քարտաշյանը նաև հանդես է եկել Հայաստանի պատանեկան ու երիտասարդական հավաքականներում, ինչպես նաև մեկ խաղ է անցկացրել ազգային հավաքականի կազմում:

Ակումբը բարի գալուստ է մաղթել ֆուտբոլիստին։