Հայտնի է՝ Տիկնիզյանը երբ պայմանագիր կկնքի Ցրվենա Զվեզդայի հետ

«Լոկոմոտիվը» և «Ցրվենա Զվեզդան» համաձայնության են եկել Հայաստանի հավաքականի և մոսկովյան ակումբի կիսապաշտպան Նաիր Տիկնիզյանի տրանսֆերի շուրջ։ Այս մասին հայտնի է դարձել СПОРТ-ЭКСПРЕСС-ին:

26-ամյա կիսապաշտպանը հունիսի 21-ին կժամանի Բելգրադ՝ կարճատև արձակուրդից հետո բժշկական զննում անցնելու համար։ Հաղորդվում է նաև՝ սերբական թիմը մրցաշրջանի նախապատրաստական ​​աշխատանքները կսկսի հունիսի 21-ին, սակայն Նաիրը կմիանա Ավստրիայում կայանալիք մարզական հավաքի երկրորդ մասին՝ ազգային հավաքականի խաղերից հետո հանգստանալու համար։

Ըստ լրատվամիջոցների տեղեկությունների՝ Տիկնիզյանը «Ցրվենա Զվեզդայում» տարեկան կվաստակի 700 հազար եվրո և կկնքի 3 տարվա պայմանագիր։

«Լոկոմոտիվը» իր խաղացողի տրանսֆերի համար կստանա 1.7 միլիոն եվրո + 500 հազար հնարավոր բոնուսներ և հետագա վաճառքից որոշակի տոկոս։

Տիկնիզյանը «Լոկոմոտիվում» խաղում է 2021 թվականի օգոստոսից։ 2024/25 մրցաշրջանում ֆուտբոլիստը թիմի կազմում անցկացրել է 33 խաղ բոլոր մրցաշարերում, խփել է 2 գոլ և կատարել 4 գոլային փոխանցում։

Transfermarkt պորտալը ֆուտբոլիստի արժեքը գնահատում է 4 միլիոն եվրո։