Նոան 4-րդ հաղթանակն է տարել Կատարում

Կատարում ուսումնամարզական հավաք անցկացնող Հայաստանի փոխչեմպիոն «Նոան» 4-րդ ստուգողական խաղն է անցկացրել՝ մրցելով Կատարը ներկայացնող «Ալ-Սաիլիյայի» հետ։ Երևանյան թիմը հաղթել է 2։0 հաշվով։ Գոլի հեղինակ են դարձել Մաթեուս Այասն ու Գոռ Մանվելյանը։

 Ֆաստեքս Հայաստանի Պրեմիեր լիգայի գարնանային հատվածից առաջ «Նոան» 16 խաղից հետո 40 միավորով առաջատար է ու 2 միավորի առավելություն ունի 18 խաղ անցկացրած  «Ուրարտուի» նկատմամբ։

Փետրվարի 19-ին «Նոան» կմրցի «Ալաշկերտի» հետ Հայաստանի գավաթի խաղարկության 1/8 եզրափակիչում։

Ֆաստեքս Հայաստանի Պրեմիեր լիգայում Մոտայի գլխավորած թիմը փետրվարի 26-ին կհյուրընկալվի «Վեստ Արմենիային»։