Շիրակը խոշոր հաշվով հաղթեց Ալաշկերտին

Fastex Հայաստանի Պրեմիեր լիգայի 30-րդ տուրում «Շիրակը» հյուրընկալել էր «Ալաշկերտին» ու հաղթեցին 4։0 հաշվով։

Դուբլի հեղինակներ դարձան Ռաֆիկ Միսակյանն ու Լյովա Մրյանը։ Միսակյանը մասնակցեց իր թիմի բոլոր գոլերին։ Դուբլից բացի 25-ամյա կիսապաշտպանը 2 ասիստ կատարեց Մրյանին։

Այսպիսով, գյումրեցիներն ընդհատեցին 5-խաղյա առանց հաղթանակների շարքը։ «Շիրակը» վերջին անգամ հաղթել էր 25-րդ տուրում «Արարատին»՝ 2։1 հաշվով։

Վերջին անգամ Գյումրին ներկայացնող ակումբը պաշտոնական խաղերում մրցակցի դարպասը 4 գնդակ ուղարկել էր 2023 թվականի սեպտեմբերին՝ «Վեստ Արմենիայի» դեմ կայացած հանդիպմանը։

Այս հաղթանակի շնորհիվ Ռաֆայել Նազարյանի գլխավորած ակումբը 32 միավորով 6-րդ տեղում է։ «Ալաշկերտը» 29 միավորով 8-րդն է։