Արթուր Սերոբյանը՝ Շերիֆի ապրիլի լավագույն ֆուտբոլիստ

Հայաստանի ազգային հավաքականի ֆուտբոլիստ Արթուր Սերոբյանը ճանաչվել է մոլդովական «Շերիֆի» ապրիլի լավագույն ֆուտբոլիստ։

«Մեր հետևորդների վարկածով, հայ կիսապաշտպանը դարձել է ամսվա ֆուտբոլիստ։ Բրավո, Արթուր։ Քո վարպետությունն ու համառությունը խաղադաշտում ոգևորիչ են։ Շարունակիր նույն ոգով», - գրել է մոլդովական ակումբի մամուլի ծառայությունը։

Հիշեցնենք, որ Սերոբյանն ապրիլին «Շերիֆի» կազմում մասնակցել է 5 հանդիպման՝ դառնալով 3 գոլի ու 2 գոլային փոխանցման հեղինակ։ 21-ամյա կիսապաշտպանը Մոլդովայի գործող չեմպիոնի կազմը համալրել է այս տարեսկզբին ու մասնակցել 9 հանդիպման՝ դառնալով 3 գոլի ու 4 գոլային փոխանցման հեղինակ։