Կրասնոդարը ևս մեկ քայլով մոտեցավ չեմպիոնությանը, Սպերցյանը՝ գոլի ու գոլային փոխանցման հեղինակ (տեսանյութ)

Ռուսաստանի Պրեմիեր լիգայի 27-րդ տուրում «Կրասնոդարը» հյուրընկալել էր «Ռուբինին» ու հաղթեց 2։1 հաշվով։ Հանդիպման հաշիվը, 6-րդ րոպեին, 11-մետրանոցից բացեց Հայաստանի ազգային հավաքականի կիսապաշտպան Էդուարդ Սպերցյանը՝ խփելով իր 10-րդ գոլն ընթացիկ առաջնությունում։ Սա 24-ամյա ֆուտբոլիստի 3-րդ անընդմեջ գոլն էր ՌՊԼ-ում։ Սպերցյանն իր թիմի մեկնարկային կազմում էր ու փոխարինվեց 96-րդ րոպեին։

40-րդ րոպեին Սպերցյանն օգնեց թիմակցին՝ Վիտոր Տորմենային դառնալ գոլի հեղինակ։ Սպերցյանի գոլն ու գոլային փոխանցումը՝ այստեղ։

Ռուբինից հանդիպման հաշիվը Իլյա Ռոժկովը՝ 83-րդ րոպեին։ Կազանը ներկայացնող ակումբի մեկնարկային կազմում էլ ընդգրկված էր Հայաստանի հավաքականի մեկ այլ կիսապաշտպան՝ Ուգուչուկվու Իվուն, որը ևս մասնակցեց ողջ հանդիպմանը։

Այս հաղթանակից հետո «Կրասնոդարը» 61 միավորով գլխավորում է մրցաշարային աղյուսակը՝ 7 միավոր առաջ լինելով գլխավոր մրցակից «Զենիթից», որը մեկ խաղ պակաս է անցկացրել։

Հաջորդ տուրում «Կրասնոդարի» մրցակիցը Մոսկվայի ԲԿՄԱ-ն է։