Բարսելոնան ու Ինտերը հաղթողին չպարզեցին․ Մխիթարյանի գոլը ՎԱՌ-ը չեղարկեց (տեսանյութ)

Չեմպիոնների լիգայի կիսաեզրափակիչում «Բարսելոնան» ընդունել էր «Ինտերին»։

Հանդիպման 30-րդ վայրկյանին Մարկուս Թյուրամը կրնկի հարվածով բացեց խաղի հաշիվը։ 21-րդ րոպեին անկյունայինի խաղարկումից Դենզել Դյումֆրիսը կրկնապատկեց «Ինտերի» առավելությունը։ 3 րոպե անց Լամին Յամալը հաշիվը դարձրեց 1։2, իսկ 38-րդ րոպեին Ֆերրան Տորրեսը վերականգնեց հաշվի հավասարությունը։

63-րդ րոպեին Դենզել Դյումֆրիսը կրկին անկյունայինի խաղարկումից առաջ մղեց «Ինտերին»՝ գրանցելով դուբլ, բայց, ընդամենը 2 րոպե անց Ռաֆինյան փայլուն հարվածով ձևակերպեց հանդիպման հաշիվը՝ 3։3․

Խաղի 75-րդ րոպեին Հենրիխ Մխիթարյանը դարձավ գոլի հեղինակ, բայց ՎԱՌ-ով դիտելուց հետո հանդիպման գլխավոր մրցավարը չեղարկեց Հայաստանի ազգային հավաքականի պատմության լավագույն ռմբարկուի գոլը։ Մխիթարյանի գոլը կարող եք դիտել այստեղ։

Թիմերի միջև պատասխան հանդիպումը կկայանա մայիսի 6-ին։