Արթուր Դավթյանն Աշխարհի գավաթի 6-րդ փուլի եզրափակիչում է

Կահիրեում շարունակվում է սպորտային մարմնամարզության Աշխարհի գավաթի 6-րդ փուլը։

Հենացատկ վարժությունում Օլիմպիական խաղերի արծաթե, բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը վաստակելով 14,566 միավոր դուրս է եկել եզրափակիչ։

Հիշեցնենք, որ հայ մարմնամարզիկը հաղթել էր Աշխարհի գավաթի խաղարկության 1-ին (Կոտբուս․ Գերմանիա) 3-րդ (Անթալյա․ Թուրքիա), 5-րդ (Դոհա, Կատաև) փուլերում։ Դավթյանը Օսիյեկում (Խորվաթիա) կայացած 4-րդ փուլում գրավել էր 3-րդ տեղը, իսկ Բաքվում կայացած 2-րդ փուլին չէր մասնակցել։

Ավելի վաղը հայ մարզիկներից եզրափակիչի ուղեգիր էին նվաճել Արթուր Ավետիսյանն ու Վահագն Դավթյանը՝ օղակներ և Համլետ Մանուկյանը՝ նժույգ թափեր վարժաձևերում։

Եզրափակիչները կկայանան ապրիլի 27-ին ու 28-ին։