Սպերցյանի գոլը, չիրացրած 11-մետրանոցն ու Կրասնոդարի հաղթանակը (տեսանյութ)

Ռուսաստանի Պրեմիեր լիգայի 26-րդ տուրում Մախաչկալայի «Դինամոն» ընդունել էր «Կրասնոդարին»։

Հյուրերը առավելության հասան 3։2 հաշվով։ Հայաստանի ազգային հավաքականի ֆուտբոլիստ Էդուարդ Սպերցյանն ընդգրկված էր «Կրասնոդարի» մեկնարկային կազմում ու փոխարինվեց 83-րդ րոպեին։

Մինչ փոխարինվելը, Սպերցյանը նախ 65-րդ րոպեին հեռահար հարվածով գրավեց մրցակցի դարպասը, տեսանյութն այստեղ, ապա 79-րդ րոպեին բարձր հարվածեց 11-մետրանոց նշակետից։ Հայ ֆուտբոլիստը խփեց իր 9-րդ գոլն ընթացիկ առաջնությունում։

Խաղի վերջնամասում, երբ հաշիվը 2։3 էր, Մախաչկալան ներկայացնող թիմը ստանում է 11-մետրանոցի իրավունք ու փայլուն հնարավորություն՝ ոչ-ոքի կորզելու, բայց «Կրասնոդարի» դարպասապահ Ստանիսլավ Ագկացևը փրկում է իր թիմին։

Այս հաղթանակից հետո «Կրասնոդարը» շարունակում է գլխավորել մրցաշարային աղյուսակը 58 միավորով։ Հաջորդ տուրում «ցլերի» մրցակիցը Կազանի «Ռուբինն» է։