5 րոպեում՝ 3 գոլ․ Արարատ-Արմենիան ուժեղ էր Գանձասարից

Fastex Հայաստանի Պրեմիեր լիգայի 28-րդ տուրում «Գանձասարն» ընդունել էր «Արարատ-Արմենիային»։

Հյուրերը հաղթեցին 4։0 հաշվով։ Հանդիպման հաշիվը 7-րդ րոպեին բացեց Արմեն Համբարձումյանը։ 86-րդ րոպեին «Արարատ-Արմենիայի» հարձակվող Տենտոն Յեննեն օգտվեց «Գանձասարի» դարպասապահ Տիգրան Ոփանյանի սխալից ու խփեց իր թիմի 2-րդ գոլը։ Սա նիգերիացի ֆուտբոլիստի 42-րդ գոլն էր երևանյան ակումբի կազմում։ 24-ամյա հարձակվողը դարձավ «Արարատ-Արմենիայի» պատմության լավագույն ռմբարկուն։ 90-րդ րոպեին Մարիուս Նուբիսսին խփեց այս մրցաշրջանի իր 15-րդ գոլը՝ մոտենալով առաջնության լավագույն ռմբարկու Գոնսալո Գրեգորիոյին, որն իր ակտիվում ունի 19 գոլ։ Նուբիսիի գոլից 2 րոպե անց հանդիպման վերջակետը դրեց Տենտոն Յեննեն՝ գրանցելով դուբլ։

Այս հաղթանակից հետո Վարդան Մինասյանի սաները 54 միավորով 2-րդ տեղում են։ «Գանձասարը» 3 միավորով վերջին՝ 11-րդ հորիզոնականում է։