Վարազդատ Լալայանը՝ Եվրոպայի չեմպիոն (տեսանյութ)

Քիշնևում ավարտվեց ծանրամարտի Եվրոպայի առաջնությունը։

Պայքարը եզրափակեցին 109+ կգ քաշային տղամարդիկ, որտեղ Հայաստանը ներկայացնում էր Վարազդատ Լալալայանը։

Լալայանն այս քաշային կարգում հավասարը չուներ հին աշխարհամասում։ Հայ ծանրորդը պոկեց 210 կգ, հրեց 240 ու երկամարտի 450 կգ արդյունքով հռչակվեց Եվրոպայի չեմպիոն։ Լալայանի մոտեցումները՝ մեր տելեգրամյան ալիքում։

2-րդ հորիզոնականը զբաղեցրած Մարտ Սեյմը երկամարտում գրանցեց 415 կգ՝ 35 կգ զիջելով գյումրեցի ծանրորդին։

Հիշեցնենք, որ ավելի վաղ, Հայաստանի ներկայացուցիչներից չեմպիոնի կոչմանն արժանացել էր Գարիկ Կարապետյանը, արծաթե մեդալի էին նվաճել Ալեքսանդրա Գրիգորյանը, Գոռ Սահակյանը, Ռաֆիկ Հարությունյանը, Աննա Ամրոյանը, Սիմոն Մարտիրոսյանը, Լիանա Գյուրջյանը, բրոնզե մեդալի՝ Գառնիկ Չոլակյանը,  Դավիթ Հովհաննիսյանը։

Այսպիսով, Եվրոպայի առաջնությում հայ ծանրորդները նվաճում են 2 ոսկե, 6 արծաթե, 2 բրոնզե մեդալ։