Աշխարհի գավաթ․ Վահագն Դավթյանը՝ արծաթե, Արթուր Ավետիսյանը՝ բրոնզե մեդալակիր (տեսանյութ)

Դոհայում ընթանում է սպորտային մարմնամարզության աշխարհի գավաթի 5-րդ փուլը։

Հայաստանի ներկայացուցիչներ Վահագն Դավթյանն ու Արթուր Ավետիսյանը ելույթ ունեցան օղակներ վարժությունում։ Դավթյանը վաստակեց 14,333, իսկ Ավետիսյանը՝ 14,200 միավոր ու արժանացան համապատասխանաբար արծաթե ու բրոնզե մեդալների։ Հաղթողի կոչմանն արժանացել է չինացի Հաո Յուն՝ 14,400 միավորով։

Հիշեցնենք, որ ավելի վաղ Աշխարհի գավաթի 5-րդ փուլի հաղթողի կոչմանն էր արժանացել Համլետ Մանուկյանը՝ նժույգ թափեր վարժությունում։ Հայաստանի մյուս ներկայացուցիչ Մամիկոն Խաչատրյանը նույն վարժաձևում զբաղեցրել էր 7-րդ տեղը։

Վաղը եզրափակիչում ելույթ կունենա Արթուր Դավթյանը՝ հենացատկ վարժաձևում։