Հունգարիայում կրած պարտությունը որոշիչ էր․ Փյունիկը ոչ-ոքի խաղաց, բայց լքեց Կոնֆերենցիաների լիգան

Կոնֆերենցիաների լիգայի որակավորման երկրորդ փուլի պատասխան խաղում Երևանի «Փյունիկը» Երևանի Վ. Սարգսյանի անվան «Հանրապետական» մարզադաշտում ընդունել է հունգարական «Դեբրեցենին» և գոլազուրկ ոչ-ոքի՝ 0։0 հաշվով ավարտել հանդիպումը։ 

Առաջին խաղում կրած նվազագույն հաշվով պարտության արդյունքում «Փյունիկը» ավարտում է եվրագավաթային պայքարը։

Երևանյան թիմն ավելի քան 15 հարված է կատարել մրցակցի դարպասի ուղղությամբ, իսկ գնդակին տիրելու հարաբերակցությունը 50% է կազմել։ Խաղը սպասարկել է մակեդոնական մրցավարական բրիգադը՝ Իգոր Ստոյևսկիի գլխավորությամբ։

Հիշեցնենք՝ ԿԼ որակավորման առաջին փուլում երևանյան թիմը վստահ հաղթահարել էր մալթական «Մարսաշլոկի» արգելքը։