Էզգար Մովսեսյանը տեղափոխվել է Արարատ

Երևանի «Արարատի» հետ պայմանագիր է ստորագրել Էդգար Մովսեսյանը, հայտնում է երևանյան ակումբի մամուլի քարտուղարությունը:

27-ամյա հարձակողական ոճի ֆուտբոլիստը իր կարիերայի ընթացքում հանդես է եկել «Բանանցում» («Ուրարտու»), «Նոայում», ԲԿՄԱ-ում, «Վանում», «Փյունիկում», ռումինական «Ֆորեստայում», կիպրական «Օմոնիա 29Մ» և հունական «Խանիա» ակումբներում։

Մովսեսյանը Հայաստանի երիտասարդական հավաքականի նախկին ֆուտբոլիստ է, որի կազմում անցկացրել է 8 հանդիպում։ Իր կարիերայի ընթացքում նա աչքի է ընկել արագությամբ, տեխնիկայով և հարձակման գծում բազմակողմանի խաղով։