ՉԼ. Արարատ-Արմենիան Երևանում ֆանտաստիկ հաղթանակ տարավ Շեմրոկ Ռովերսի նկատմամբ

«Արարատ-Արմենիան» Չեմպիոնների լիգայի երկրորդ որակավորման փուլի առաջին խաղում Երևանում հաղթել է Իռլանդիան ներկայացնող «Շեմրոկ Ռովերսին»։ Հանդիպումն ավարտվել է 2:0 հաշվով։

Առաջին խաղակեսում գոլեր չգրանցվեցին, իսկ երկրորդ կեսի 51-րդ րոպեին տանտերերը բացեցին հաշիվը։ Հարձակվող Սանդրո Լիման օգտվեց մրցակցի պաշտպանի սխալից և գրավեց դարպասը։

80-րդ րոպեին հայկական թիմի առավելությունը կրկնապատկեց Զիդան Բանջակին`դառնալով փայլուն գոլի հեղինակ:

75-րդ րոպեին «Արարատ-Արմենիայի» պաշտպան Կամո Հովհաննիսյանը վնասվածք ստացավ և պատգարակով դուրս է բերվել խաղադաշտից։ 

Թիմերի միջև պատասխան խաղը կկայանա հուլիսի 28-ին Դուբլինում։