ՉԼ. Արարատ-Արմենիան պարտվեց Ռիգային, բայց դուրս եկավ հաջորդ փուլ, Լիման՝ ֆանտաստիկ գոլի հեղինակ

Չեմպիոնների լիգայի որակավորման առաջին փուլի պատասխան խաղում «Արարատ-Արմենիան» այսօր Լատվիայի մայրաքաղաքում մրցել է «Ռիգայի» հետ և 2:3 հաշվով պարտություն կրել: Առաջին խաղում Հայաստանի չեմպիոնը 2:0 հաշվով հաղթանակ էր տարել, ինչի շնորհիվ երկխաղյա դիմակայությունում 4:3 հաշվով առավելության է հասել և դուրս եկել հաջորդ փուլ:

Առաջին խաղակեսում 0:2 հաշվով զիջելուց հետո «Արարատ-Արմենիան» երկրորդ խաղակեսում կամային բարձր որակների շնորհիվ երկու գոլ է խփել. նախ 46-րդ րոպեին Ժիրայր Շաղոյանը կրճատել է հաշվի տարբերությունը, ապա՝ 63-րդ րոպեին, Սանդրո Լիման ֆանտաստիկ գոլով հավասարեցրել է հաշիվը: