Sportmedia-inside. Պիկուշչակը մոտ է հայկական թիմ գլխավորելուն

Իգոր Պիկուշչակն, ամենայն հավանականությամբ, կգլխավորի «Սյունիքը»: Այս մասին հայտնի է դարձել Sportmedia.am-ին։

Մոլդովացի մասնագետը Հայաստանում աշխատել է 2019 թվականի հունիսից մինչև 2021 թվականի հոկտեմբերն ու 2022 թվականի մարտից հուլիսը՝ գլխավորելով «Նոան»։

Պիկուշչակի գլխավորությամբ «Նոան» դարձել է Հայաստանի գավաթակիր ու սուպերգավաթակիր։ 

43-ամյա մասնագետը նախորդ մրցաշրջանում գլխավորում էր մոլդովական «Միսլամին»։ 

Հիշեցնենք, որ Հայաստանի Պրեմիեր լիգայի գալիք մրցաշրջանին կմասնակցի 12 թիմ։ Երկու նորեկ թիմերից մեկն, ամենայն հավանականությամբ, կլինի «Սյունիքը»։