Հավանականություն կա, որ կհեռանամ. Սպերցյան

«Կրասնոդարի» կիսապաշտպան և ավագ Էդուարդ Սպերցյանը խոսել է եվրոպական ակումբ տեղափոխվելու հնարավորության մասին։

Երեկ՝ մայիսի 24-ին, Սպերցյանը հայտարարել է, որ FONBET Ռուսաստանի գավաթի սուպերեզրափակչում Մոսկվայի «Սպարտակի» դեմ խաղը (1-1, 3-4 11 մետրանոց հարվածաշարում) կարող էր իր վերջինը լինել «Կրասնոդարի» կազմում։

«Հավանականություն կա, որ կհեռանամ: Տեսնենք։ Ես բաց եմ և՛ հեռանալու, և՛ մնալու համար՝ պայքարելու համար, եթե առաջարկներ չստանամ», - ասել է Սպերցյանը «Սպորտ-Էքսպրես»-ին տված հարցազրույցում։

Անցյալ մրցաշրջանում 25-ամյա Էդուարդ Սպերցյանը «Կրասնոդարի» կազմում անցկացրել է 42 խաղ, խփել 14 գոլ և կատարել 18 գոլային փոխանցում։ Transfermarkt-ը հայ ֆուտբոլիստին գնահատում է 25 միլիոն եվրո։