Գվարդիոլան կհեռանա Մանչեսթեր Սիթիից՝ 10 տարի ակումբում անցկացնելուց հետո

«Մանչեսթեր Սիթիի» գլխավոր մարզիչ Խոսեպ Գվարդիոլան մրցաշրջանի ավարտին կհեռանա ակումբից։ Այս մասին հայտարարվել է «Մանչեսթեր Սիթիի» պաշտոնական կայքում։

«Կատալոնացին, որը գլխավորել է «Մանչեսթեր Սիթին» 2016 թվականի հուլիսին, իր 10 տարվա ղեկավարության ընթացքում մեծ ազդեցություն է ունեցել թիմի վրա և կհեռանա ակումբից՝ նվաճելով 20 խոշոր տիտղոս, ինչը նրան կդարձնի ակումբի պատմության մեջ ամենահաջողակ մարզիչը։

Չնայած «Մանչեսթեր Սիթիի» գլխավոր մարզչի պաշտոնից հեռանալուն, Պեպը կշարունակի համագործակցել City Football Group-ի հետ որպես համաշխարհային դեսպան։ Այս դերում նա տեխնիկական խորհրդատվություն կտրամադրի խմբի ակումբներին՝ աշխատելով կոնկրետ նախագծերի և գործընկերությունների վրա», - ասվում է ակումբի հայտարարության մեջ։