Ուզում եմ տեղափոխվել Եվրոպա, տեսնենք՝ ինչ կլինի. Սպերցյան

«Կրասնոդարի» ավագ Էդուարդ Սպերցյանը պատասխանել է այս ամռանը «Մարսել» հնարավոր տեղափոխության մասին լուրերին։

«Մարսելում հայկական մեծ սփյուռք կա (ժպտում է)։ Չգիտեմ, սա առաջին անգամն է, որ լսում եմ դրա մասին։

Իրականում, ես անցյալ մրցաշրջանում երկարաձգեցի պայմանագիրս, պարզապես դրա մասին չհայտարարվեց։ Ինչ վերաբերում է հեռանալուն... իմ մտքերը դեռ նույնն են։ Իհարկե, ես ուզում եմ, բայց կտեսնենք, թե ինչ կլինի։ Կտեսնենք՝ կլինի՞ արդյոք լավ առաջարկ։ Կխոսենք», - ասել է Սպերցյանը «О, родной футбол!» YouTube-ի ալիքում տեղադրված տեսանյութում։

Այս մրցաշրջանում Սպերցյանը «Կրասնոդարի» կազմում անցկացրել է 41 խաղ բոլոր մրցաշարերում՝ խփելով 14 գոլ և կատարելով 18 գոլային փոխանցում։ Նրա պայմանագիրն ակումբի հետ ուժի մեջ է մինչև 2029 թվականը։

Transfermarkt-ի տվյալներով՝ 25-ամյա ֆուտբոլիստի շուկայական արժեքը գնահատվում է 25 միլիոն եվրո։

«Կրասնոդարը» 2025/26 թվականների Ռուսաստանի առաջնությունում զբաղեցրել է երկրորդ տեղը՝ նվաճելով արծաթե մեդալներ։