Զենիթը հետաքրքրված է Տիկնիզյանի ծառայություններով

«Ցրվենա Զվեզդայի» և Հայաստանի ազգային հավաքակամի կիսապաշտպան Նաիր Տիկնիզյանը գտնվում է «Զենիթի» ուշադրության կենտրոնում: Սանկտ-Պետերբուրգը ներկայացնող ակումբի ներկայացուցիչներն ուշադրությամբ հետևում են խաղացողին, որը ԲԿՄԱ-ի սան է: Այս մասին հայտնում է լրագրող Իվան Կարպովը:

Տրանսֆերը կարող է տեղի ունենալ ամռանը, սակայն հնարավոր գործարքի մանրամասները չեն նշվում:

Չորեքշաբթի՝ մայիսի 13-ին, Տիկնիզյանը նվաճել է Սերբիայի գավաթը. եզրափակչում նրա թիմը 11-մետրանոց հարվածաշարում 5-4 հաշվով հաղթել է «Վոյվոդինային»: Հայ կիսապաշտպանը խաղի ընթացքում կատարել է մեկ գոլային փոխանցում (2:2):

27-ամյա ֆուտբոլիստը սերբական ակումբում խաղում է 2025 թվականի ամռանից: Նախկինում նա խաղացել է «Լոկոմոտիվում»: Տիկնիզյանը ծնունդով Սանկտ Պետերբուրգից է: Ֆուտբոլիստի պայմանագիրը «Ցրվենա Զվեզդայի» հետ ուժի մեջ է մինչև 2028 թվականի հունիսի վերջը: