Կրասնոդարը պարտվեց ու բարդացրեց չեմպիոն դառնալու խնդիրը. Սպերցյանը` գոլային փոխանցման հեղինակ

Ռուսաստանի Պրեմիեր լիգայի 29-րդ տուրում «Կրասնոդարը» հյուրընկավել էր Մոսկվայի «Դինամոյին» ու զիջեց 1:2 հաշվով։

Հանդիպման հաշիվը Էդուարդ Սպերցյանի փոխանցումից բացեց Դիեգո Կոստան` 32-րդ րոպեին։ Այս ասիստը Հայաստանի ազգային հավաքականի ավագի համար մրցաշրջանում 16-րդն էր։ Նա կրկնեց մեկ մրցաշրջանի գոլային փոխանցումների ռեկորդը։ Հայ կիսապաշտպանը փոխարինվեց 83-րդ րոպեին` մեջքի վնասվածքի պատճառով։ 

2-րդ կեսի մեկնարկից 3 րոպե անց Կոստանտին Տյուկավինը վերականգնեց հաշվի հավասարությունը, իսկ հիմնական ժամանակին ավելացրած 3-րդ րոպեին Իվան Սերգեևը հաղթանակ պարգևեց «Դինամոյին»։

Այս հանդիպումից հետո «Կրասնոդարը» 63 միավորով 2-րդն է և 2 միավորով զիջում է առաջատար «Զենիթին»։ 

Վերջին տուրում «Կրասնոդարը» կմրցի «Օրենբուրգի», «Զենիթը»` «Ռոստովի» հետ։