Բարսելոնայի երկրպագուները հարձակվել են սեփական թիմի ավտոբուսի վրա

«Բարսելոնայի» երկրպագուները Լա Լիգայի 35-րդ տուրի՝ «Ռեալի» դեմ խաղից առաջ սխալմամբ քարերով հարվածել են սեփական թիմի ավտոբուսին։ Այս մասին հայտնում է RMC Sport-ը։

Հաղորդվում է, որ միջադեպի հետևանքով կատալոնական ակումբի ավտոբուսի պատուհաններից մեկը ջարդվել է։ Նշվում է, որ ավելի ուշ հարձակման է ենթարկվել նաև «արքայական» ակումբի ավտոբուսը։

Իսպանիայի առաջնության 34 տուրից հետո «Բարսելոնան» վաստակել է 88 միավոր և գլխավորում է մրցաշարային աղյուսակը։ Մադրիդի «Ռեալը» գտնվում է երկրորդ հորիզոնականում՝ իր ակտիվում ունենալով 77 միավոր։