Հայտնի է, թե Լեվանդովսկին որ թիմում կշարունակի կարիերան, եթե հեռանա Բարսելոնայից

«Բարսելոնայի» հարձակվող Ռոբերտ Լևանդովսկին կարող է շարունակել իր կարիերան «Յուվենտուսում»։ Ինչպես հայտնում է Tuttosport-ը, թուրինյան ակումբն արդեն սկսել է բանակցությունները։  

Հաղորդվում է, որ 37-ամյա լեհ ֆուտբոլիստը պատրաստ է դիտարկել «Յուվենտուս» տեղափոխվելու տարբերակը, եթե թիմը  նվաճի Չեմպիոնների լիգայի ուղեգիր։ Թուրինյան ակումբը համարվում է հարձակվողի առաջնահերթ ընտրությունը, եթե նա հեռանա կատալոնական ակումբից։

Լևանդովսկու գործող պայմանագիրը «Բարսելոնայի» հետ նախատեսված է մինչև 2026 թվականի ամառ։ Ակումբի ղեկավարությունը ֆուտբոլիստին առաջարկել է նոր պայմանագիր՝ զգալի աշխատավարձի կրճատմամբ, սակայն այդ տարբերակը չի գոհացրել խաղացողին։