Արարատը հաղթեց մրցաշրջանում իր ամենակարևոր խաղերից մեկում

Հայաստանի առաջնության 24-րդ տուրում «Արարատը» Գյումրիում 2:0 հաշվով հաղթեց «Շիրակին»: Երկրորդ խաղակեսում դուբլի հեղինակ դարձավ Կալիֆալա Դումբիան:

Հարձակվողն իր գոլերի թիվը հասցրեց 8-ի և ռմբարկուական պայքարում բարձրացավ հինգերորդ տեղ:

Այս հաղթանակից հետո «Արարատը» միավորներով հավասարվեց «Շիրակին». երկու թիմերն էլ ունեն 12-ական միավոր՝ կիսելով վերջին ու նախավերջին տեղերը:

Քանի որ անձնական հանդիպումներում ևս արդեն հավասարություն է, ապա որոշիչ են դառնալու լրացուցիչ ցուցանիշները, եթե թիմերը մրցաշրջանն ավարտեն նույն միավորներով: