Ստյոպա Մկրտչյանի գլխավոր մրցակցի հեռանալու հավանականությունը մեծացել է

«Նյուրնբերգը» պատրաստվում է հաջորդ մրցաշրջանն անցկացնել առանց Վրաստանի հավաքականի կենտրոնական պաշտպան Լուկա Լոչոշվիլիի, գրում է BILD-ը:

Գերմանական պարբերականի տեղեկություններով՝ Բունդեսլիգայի 9-ակի չեմպիոնն արդեն փոխարինող է գտել 27-ամյա ֆուտբոլիստի համար: «Նյուրնբերգը» մոտ է «Վերլի» պաշտպան Ֆին Օտոյի տրանսֆերին:

Լոչոշվիլին իր վերջին հարցազրույցում նույնպես ակնարկել է, որ Նյուրնբերգում մեկ տարի անցկացնելուց հետո կարող է հեռանալ ակումբից: 2025 թվականի ամռանը վրացի պաշտպանի տրանսֆերի համար իտալական «Կրեմոնեզեին» վճարվել էր 1 միլիոն եվրո, իսկ այժմ նրա շուկայական արժեքը մի քանի անգամ բարձրացել է:

Հիշեցնենք, որ Լոչոշվիլին և թիմի ավագ Ֆաբիո Գրուբերը հիմնական կենտրոնական պաշտպաններն են Միրոսլավ Քլոզեի գլխավորած թիմում: Պահեստային ձախ կենտրոնական պաշտպանը, որը մրցակցում է հենց Լոչոշվիլիի հետ, Հայաստանի հավաքականի ֆուտբոլիստ Ստյոպա Մկրտչյանն է: Վրացու հնարավոր տրանսֆերը զգալիորեն կմեծացնի հայ պաշտպանի՝ մեկնարկային կազմում տեղ զբաղեցնելու շանսերը: