ԵԼ․ Բրագան հաղթանակ կորզեց, իսկ անգլիական դիմակայությունում ուժեղ էր Նոթինգհեմը (տեսանյութ)

Եվրոպա լիգայի կիսաեզրափակիչում «Բրագան» ընդունել էր «Ֆրայբուրգին» և հաղթեց 2։1 հաշվով։

8-րդ րոպեին Դեմիր Էգե Տիկնազը բացեց հանդիպման հաշիվը, սակայն 16-րդ րոպեին Վինչենցո Գրիֆոն վերականգնեց հաշվի հավասարությունը։ Առաջին կեսին ավելացրած 2-րդ րոպեին Ռոդրիգո Սալասարը չկարողացավ իրացնել 11-մետրանոցը, իսկ «Բրագային» հաղթանակ պարգևեց Մարիո Դորգելեսի հիմնական ժամանակին ավելացրած 2-րդ րոպեին խփած գոլը։

Զուգահեռ ընթացող խաղում «Նոթինգհեմ Ֆորեստը» նվազագույն առավելության հասավ «Աստոն Վիլայի» նկատմամբ։ Այդ խաղի միակ գոլը հեղինակեց Քրիս Վուդը՝ 71-րդ րոպեին դիպուկ իրացնելով 11-մետրանոցը։

Պատասխան հանդիպումները կկայանան մայիսի 7-ին։