Այնտրախտը հաղթեց, Ռանոսը կրկին խաղաժամանակ չստացավ

Գերմանիայի 2-րդ Բունդեսլիգայի 31-րդ տուրում Բրաունշվայգի «Այնտրախտը» հյուրընկալվել էր «Կայսերսլաութերնին» ու հաղթեց 2։0 հաշվով։

Գոլերն իրենց անվան դիմաց գրանցեցին Ֆարիդե Ալիդուն (14'), Էրենջան Յարդիմչին (72')։

Հայաստանի ազգային հավաքականի հարձակվող Հրանտ-Լեոն Ռանոսն ընգրկված էր Բրաունշվայգը ներկայացնող ակումբի հայտացուցակում, սակայն խաղաժամանակ չստացավ։ Հայ հարձակվողը չէր մասնակցել նաև նախորդ տուրի Բեռլինի «Հերտայի» (1։1) դեմ խաղում։

Այս հաղթանակից հետո «Այնտրախտը» վաստակեց 34 միավոր ու բարձրացավ 13-րդ հորիզոնական։

Հաջորդ տուրում Ռանոսն ու խաղընկերները կմրցեն «Հոլշտայն Քիլի» դեմ։