Հաղթանակ բոլոր խաղերում. «Փյունիկը»՝ կանանց Հայաստանի չեմպիոն

«Փյունիկ-աղջիկները» 3-րդ տարին անընդմեջ դարձավ Հայաստանի չեմպիոն:

Բարձրագույն խմբի առաջնության 14-րդ տուրում Մանուկ Սարգսյանի թիմը 2:1 հաշվով հաղթեց «Ուրարտու-աղջիկներին»՝ անհասանելի դառնալով մրցակիցների համար, գրում է ՀՖՖ-ի կայքը:

Գոլերով աչքի ընկան Անի Կարապետյանն ու Վերոնիկա Ասատրյանը: Ընթացիկ մրցաշրջանում փյունիկցիները 100 տոկոսանոց ցուցանիշ ունեն:

Հաղթանակի շնորհիվ նրանք միավորների թիվը հասցրին 39-ի: Մրցաշարային աղյուսակի 2-րդ տեղում 18 միավորով «Ուրարտու-աղջիկներն» է:

Եռյակը նույնքան միավորով եզրափակում է «Գանձասար-աղջիկները», որն այս տուրում 8:0 հաշվով գերազանցեց «Լեռնային Արցախ-աղջիկներին»: