Անվտանգությունը մեր գլխավոր առաջնահերթությունն է․ American Airlines-ը՝ Ծառուկյանին չվերթից հեռացնելու մասին

American Airlines ավիաընկերությունը մեկնաբանել է UFC-ի թեթև քաշային կարգի մարտիկ Արման Ծառուկյանին չվերթից հեռացնելու միջադեպը:

Ծառուկյանին և նրա թիմի երկու անդամներին դուրս էին հրավիրել Ֆիլադելֆիա ուղևորվող ինքնաթիռից: Հայ մարզիկը պետք է մեկներ RAF մրցաշարին, որտեղ գոտեմարտելու է Յուրայա Ֆեյբերի հետ:

«Ապրիլի 16-ին American Airlines ավիաընկերության 513 չվերթը վերադարձել է Լոս Անջելեսի միջազգային օդանավակայանի (LAX) ելքի մոտ՝ այն ուղևորների պատճառով, ովքեր հրաժարվել են ենթարկվել դաշնային պահանջներին:

Անվտանգությունը մեր գլխավոր առաջնահերթությունն է և մենք ակնկալում ենք, որ ուղևորները կկատարեն անձնակազմի հրահանգները օդանավում, ներառյալ՝ իրենց տեղերում մնալու պահանջը», - նշել են ավիաընկերությունից:

Միջազդեպից հետո Ծառուկյանն անձնական ինքնաթիռով է հասել մրցավայր։