Ոչ-ոքի՝ հաղթանակի արժեքով. Անդրանիկն անակնկալ մատուցեց Ուրարտուին (տեսանյութ)

Հայաստանի գավաթի խաղարկության կիսաեզրափակիչի «Անդրանիկ»-«Ուրարտու» դիմակայության առաջին խաղում կողմերը հաղթողին չպարզեցին։ Գրանցվեց ոչ-ոքի՝ 1։1 արդյունքը։

12-րդ րոպեին Արտյոմ Պոլյարուսը, դիպուկ իրացնելով 11-մետրանոցը, բացեց հանդիպման հաշիվը։ «Անդրանիկը» պատասխան գոլը խփեց հիմնական ժամանակի ավարտից 1 րոպե առաջ։ Աչքի ընկավ Միքայել Նդիդին։

Թիմերի միջև պատասխան խաղը կկայանա ապրիլի 29-ին։

Նախնական փուլից պայքարը սկսած «Անդրանիկը», մինչ կիսաեզրափակիչ հասնելը, հաղթահարել էր «Բենտոնիտի» (3։0), ԲԿՄԱ-ի (2։0) ու «Սյունիքի» արգելքը (0։0, 5։2)։ «Ուրարտուն» գավաթային ուղին սկսել էր 1/8 եզրափակիչից ու պայքարից դուրս էր թողել «Վանին» (4։0) ու «Արարատին» (3։0, 2։3)։

Եզրափակիչի մյուս ուղեգիրը կվիճարկեն «Արարատ-Արմենիան» ու «Նոան»։