20-ամյա ֆուտբոլիստը մահացել է ակումբի ավտոբուսի վրա զինված հարձակման պատճառով

Գանայական «Բերեկում Չելսի» ակումբի 20-ամյա ֆուտբոլիստ Դոմինիկ Ֆրիմպոնգը զոհվել է թիմի ավտոբուսի վրա կատարված զինված հարձակման ժամանակ, գրում է Al Jazeera-ն:

Միջադեպը տեղի է ունեցել ապրիլի 12-ին օրը, երբ թիմը վերադառնում էր Գանայի առաջնության 29-րդ տուրի՝ «Սամարտեքսի» դեմ արտագնա խաղից (0:1):

«Սամրեբոյից Բերեկում վերադառնալու ճանապարհին մեր թիմի ավտոբուսի վրա հարձակվել է զինված կողոպտիչների մի խումբ, որոնք փակել էին ճանապարհը՝ մեր անցումը խոչընդոտելու համար:

Դիմակավորված անձինք, զինված ատրճանակներով ու հրացաններով, սկսել են կրակել մեր ավտոբուսի ուղղությամբ, երբ վարորդը փորձել է հետընթաց կատարել: Խաղացողներն ու անձնակազմը փախել են մոտակա թփուտները՝ պատսպարվելու համար: Դոմինիկ Ֆրիմպոնգը մահացել է»,- հայտնել են ակումբից: