Տորեսի դուբլը, Յամալի ու Ռեշֆորդի գոլերը հաղթանակ պարգևեցին Բարսելոնային (տեսանյութ)

Իսպանիայի առաջնության 31-րդ տուրում «Բարսելոնան» ընդունել էր «Էսպանյոլին» ու հաղթեց 4։1 հաշվով։

Հանդիպման հաշիվը 9-րդ րոպեին բացեց Ֆերան Տորեսը, իսկ 25-րդ րոպեին գրանցեց դուբլ։ 2 դեպքում էլ Տորեսն աչքի ընկավ Լամին Յամալի փոխանցումներից։ 56-րդ րոպեին Փոլ Լոզանոն կրճատեց հաշվի տարբերությունը, սակայն խաղավարտից րոպեներ առաջ «կապտանռնագույնները» ևս 2 անգամ տխրեցրին «Էսպանյոլի» երկրպագուներին։ 87-րդ րոպեին գոլն իր անվան դիմաց գրանցեց Լամին Յամալը, 89-ին՝ Մարկուս Ռեշֆորդը։ 

Այս հաղթանակից հետո «Բարսելոնան» 79 միավորով գլխավորում է մրցաշարային աղյուսակը՝ ունենալով 9 միավորի առավելություն 2-րդ տեղով ընթացող Մադրիդի «Ռեալի» նկատմամբ։ «Էսպանյոլը» 38 միավորով 10-րդ տեղում է։

Լա Լիգայի ավարտին մնացել է 7 տուր։